1932-2002
ܝܼܠܝܼܕܵܐ ܒܡܘܿܨܠ، ܩܪܹܐܠܹܗ ܒܡܲܕܪܲܫܬܵܐ ܕܫܡܥܘܿܢ ܟܹܐܦܵܐ، ܘܒܫܵܢ̄ܬܵܐ 1945 ܥܒܼܪܠܹܗ ܒܹܝܬܼ ܕܪܵܫܵܐ ܕܟܗܢܘܼܬܼܵܐ ܕܝܘܼܚܲܢܲܢ ܚܒܝܼܒ، ܘܝܼܠܦܠܹܗ ܐܸܣܹ̈ܐ ܕܡܘܿܣܝܼܩܝܼ. ܦܝܼܫܠܹܗ ܣܝܼܡܵܐ ܟܵܗܢܵܐ ܒܫܵܢ̄ܬܵܐ 1956 ܘܥܒܼܕܠܹܗ ܬܫܡܫܝܼܵܬܼܵܐ ܠܡܢܝܵܢܵܐ ܡܼܢ ܥܕܬܵܬܼܵܐ ܕܒܲܓܼܕܲܕ، ܠܝܲܕ ܥܸܕܬܵܐ ܕܡܵܪܝ ܐܝܠܝܼܵܐ ܚܹܪܬܵܝܵܐ، ܕܫܘܼܢܹܐܠܹܗ ܡܼܢ ܕܐܵܗܵܐ ܥܲܠܡܵܐ. ܫܘܼܬܸܦܠܹܗ ܒܫܲܬܐܲܣܬܵܐ ܕܟܢܘܼܫܬܵܐ ܕܐܲܡܢܹ̈ܐ ܣܘܼܪܝܵܝܹܐ ܘܗܘܹܐܠܹܗ ܪܹܫܵܢܹ̈ܐ ܠܡܵܬܼܚܵܐ ܕܫܲܒܼܥܵܐ ܫܢܹ̈ܐ، ܘܗܵܕܲܟܼ ܡܲܠܦܵܢܵܐ ܕܣܘܼܓܼܝܵܬܼܵܐ ܘܥܘܼܢܝܵܬܼܵܐ ܘܡܘܿܣܝܼܩܝܼ ܒܟܘܠܵܢܝܼܬܼܵܐ ܕܒܒܠ، ܘܡܠܦܵܢܵܐ ܓܘܿ ܒܹܝܬܼ ܕܪܵܫܵܐ ܕܝܘܼܠܦܵܢܵܐ ܡܫܝܼܚܵܝܵܐ. ܘܩܪܒܹܐܠܹܗ ܡܠܘܼܐܹ̈ܐ ܘܕܪܵܫܹ̈ܐ ܒܕܘܼܪܝܵܬܼܵܐ ܦܪܝܼܫܵܬܼܵܐ ܘܠܝܲܗܠܹܐ ܕܙܸܡܪܹܐ ܒܸܥܬܵܬܼܵܐ ܘܡܲܕܪܫܝܵܬܼܵܐ ܘܟܢܘܼܫܝܵܬܼܵܐ ܕܥܲܡܲܢ ܒܐܲܬܼܪܵܐ. ܫܘܼܬܦܐܠܹܗ ܒܡܢܝܵܢܵܐ ܡܼܢ ܠܘܼܡܵܕܹ̈ܐ، ܘܐܝܗ̄ܘܵܐ ܩܲܝܘܿܡܵܐ ܕܦ̮ܬܝܼܟܵܐܢ ܒܠܘܼܡܵܕܵܐ ܡܘܿܣܝܼܩܵܝܵܐ ܥܪܒܝܵܐ ܕܩܛܪܠܹܗ ܒܫܵܢ̄ܬܵܐ 1975. ܣܝܼܡܠܹܗ ܪܟܼܢܹܐ ܠܣܘܼܓܼܝܵܬܼܵܐ ܣܲܓܝܼܐܵܬܼܵܐ ܕܡܲܕܪܲܫܬܝܵܬܼܵܐ، ܘܩܢܹܐܠܹܗ ܒܫܢ̄ܬܵܐ 1976 ܗܲܕܡܵܝܘܼܬܼܵܐ ܒܣܝܼܥܬܵܐ ܐܬܪܝܬܐ ܥܝܼܪܩܝܬܵܐ ܕܡܘܿܝܼܩܝܼ. ܥܒܼܕܠܹܗ ܝܲܨܝܼܦܘܿܬܼܵܐ ܪܲܒܬܼܵܐ ܠܐܲܡܝܼܢܘܼܬܼܵܐ ܕܩܝܼܢܵܬܼܵܐ ܕܛܲܟܼܣܹ̈ܐ ܟܲܠܕܵܝܵܐ ܥܲܬܝܼܩܵܐ، ܘܦܠܚܠܹܗ ܥܲܠ ܡܗܝܼܪܘܼܬܼܵܐ ܕܥܢܝܵܢܲܝܗ ܘܙܡܲܢ ܪܬܲܗܝ ܒܠܸܫܵܢܵܐ ܝܸܡܵܝܵܐ، ܕܝܼܗ̄ܘܵܘ ܡܘܼܠܚܡܹ̈ܐ ܥܲܠ ܐܵܢܝܼ ܪܟܼܢܹܐ، ܘܒܬܟܲܠܬܹܗ ܥܲܠ ܡܸܢܝܵܢܵܐ ܡܼܢ ܦܲܪܖܘܿܦܹܐ ܡܗܝܼܪܹܐ ܒܢܵܩܘܿܫܘܼܬܼܵܐ ܥܲܠ ܡܵܐܢܹ̈ܐ ܝܲܪܬܘܼܬܢܵܝܹܐ ܘܡܼܢ ܣܝܵܡܹܗ: ܫܪܲܝܬܵܐ ܕܡܠܲܚܡܘܼܬܼܵܐ ܩܝܼܢܵܬܼܵܐ (ܫܢܹ̈ܐ 1-2) ܡܠܲܚܡܘܼܬܼ ܡܘܼܣܝܼܩܝܼ ܦ̮ܘܼܟܵܐ (ܬܪܝ ܕܘܼܒܵܩܹ̈ܐ) ܨܘܼܠܦܝܼܓ̰ ܒܘܿܠܝܼܦ̮ܘܿܢܝܼ) ܐܘܿܪܟܣܬܪܐ) ܐܸܣܟܡܹ̈ܐ ܡܘܿܣܝܼܩܝܹ̈ܐ) ܡܘܠܦܬܵܐ ܕܢܩܫܬܵܐ ܥܲܠ ܩܝܼܬܼܵܪܵܐ. ܟܵܐܪܘܿܠܝܼ ܡܘܠܦܬܵܐ ܕܢܩܫܬܵܐ ܥܲܠ ܡܵܐܢܵܐ ܕܐܘܿܪܓܵܢܘܼܢ ܐܵܠܟܬܪܘܿܢܵܝܵܐ (ܬܪܝ ܕܘܼܒܵܩܹ̈ܐ) ܐܸܣܹ̈ܐ ܘܬܐܘܿܪܝܼܡܹܐ ܕܡܘܿܣܝܼܩܝܼ.
