ܩܒܠ ܒܫܝܢܐ
ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ
ܩܒܠ ܒܫܝܢܐ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܓܘ ܐܪܒܝܠ ܒܐܪ̈ܚܗ ܒܥܡܘܪܝܗܝ ܡܫܚܠܦ̈ܐ ܘܩܪܐܠܝܗܝ ܠܨܝܪܬܐ ܕܕܥܬܝܕ ܘܣܟܡܬܗ ܘܥܒܘܕܘܬܗ. ܡܫܘܬܦܘܢ ܓܘ ܚܙܘܩܝܐ ܠܓܘܠܝܐ ܕܐܘܦܩ̈ܐ ܕܥܬܝܕܝ̈ܐ ܚܕܬ̈ܐ ܘܡܕܥܪܗܘܢ ܠܩܐܡܢ ܣܒܪܐ ܘܝܕܝܥܬܐ.
ܡܫܩ̈ܠܐ ܬܫܥܝܬܢܝ̈ܐ
ܢܦܠ ܫܘܦܐ ܕܦܪܝܣܬܐ ܬܫܥܝܬܢܝܬܐ ܗܝ ܕܦܝܫܠܗ ܡܛܝܒܬܐ ܒܝܕ "ܢܝܢܒ ܠܡܣܘ" ، ܘ"ܓ̰ܘܪܓ̰ܝܢܐ ܚܒܒܐ" ܒܣܢܕܬܐ ܠܡܒܘܥ̈ܐ ܬܫܥܝܬܢܝ̈ܐ ܘܒܥܘܕܪܢܐ ܥܡ ܕܟܬܘܪܐ "ܦܪܘܝܢ ܒܕܪܝ ܬܘܦܿܝܩ" ܡܬܕܝܠܢܝܬܐ ܓܘ ܬܫܥܝܬܐ ܕܕܝܪ̈ܐ ܘܐܒܐ "ܓ̰ܢܐܢ ܫܐܡܠ" ܡܬܕܝܠܢܝܐ ܓܘ ܬܫܥܝܬܐ ܕܥܕܬܐ، ܢܦܠܐ ܗܕ ܦܪܝܣܬܐ ܒܐܘܢܐ ܕܓܠܚܐ ܪܫܝܐ ܓܘ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ، ܕܡܩܪܒܐ ܠܣܥܘܪܐ ܡܝܩܪܐ ܪܒܐ ܡܘܕܥܢܘ̈ܬܐ ܚܕܪ ܬܫܥܝܬܐ ܘܡܕܝܢܝܘܬܐ ܕܗܢ ܥܡܐ ܫܪܫܝܐ ܓܘ ܡܫܩ̈ܠܐ ܕܬܫܥܝܬܢܝ̈ܐ ܝܘܒܠܝ̈ܐ : ܫܘܪܝܐ ܒܝܘܒܠܐ ܕܐܡܦܪܛܘܪ̈ܘܬܐ ܐܟܕܝܬܐ ܘܒܒܠܝܬܐ ܘܐܬܘܪܝܬܐ ܒܬܪ ܟܢ ܟܠܕܝܬܐ. ܘܢܩܦܠܝܗܝ ܝܘܒܠܐ ܐܪܡܝܐ ܘܒܬܪ ܗܕܟ ܡܬܚܐ ܡܫܝܚܝܐ ܗܘ ܕܚܒܫ ܡܦܐ ܕܦܪܣܬܐ ܕܡܫܝܚܝܘܬܐ ܘܡܛܝܬܐ ܠܐܬܪܢ، ܪܕܘܦܝܐ ܕܡܫܝܚܝܘܬܐ ܒܬܪ ܗܕܟ ܫܘܬܦܝ̈ܬܐ ܕܐܒܗ̈ܬܐ ܕܥܕܬܐ ܒܫ ܡܫܡܗ̈ܐ ܘܥܡ ܫܪ̈ܫܐ ܕܠܫܢܢ ܘܥܩܪ̈ܗ ܬܫܥܝܬܢܝ̈ܐ .
ܘܚܒܫܐ ܦܪܝܣܬܐ ܐܦ ܗܕܟ ܠܝܘܒܠ̈ܐ ܕܥܒܪܬܐ ܕܡܘܫܠܡܢܘܬܐ ܒܬܪ ܗܕܟ ܪܫܕܝܐ ܘܐܡܘܝܐ ܘܥܒܣܝܐ ܘܡܛܝܬܐ ܠܡܬܚ̈ܐ ܥܡܘܛ̈ܐ ( ܚܫܟܢ̈ܐ) ܘܝܘܒܠܐ ܕܐܡܦܪܛܘܪܘܬܐ ܥܘܬܡܢܝܬܐ. ܘܦܝܫܠܗ ܦܪܝܫܐ ܚܕ ܣܗܡܐ ܐܢܢܩܝܐ ܡܢ ܦܪܝܣܬܐ ܠܣܘܘܕܐ ܚܕܪ ܕܘܡܕܡܐ ܕܣܝܦܘ 1915.
ܦܝܫܠܗ ܒܪܝܐ ܗܢ ܫܘܦܐ ܐܠܟܬܪܘܢܝܐ ܒܛܒܘܬ ܣܢܕܬܐ ܪܒܬܐ ܕܥܡܐ ܐܡܪܝܟܝܐ ܓܘ ܘܟܝܠܘܬܐ ܐܡܪܝܟܝܬܐ ܕܫܘܘܚܐ ( ܡܪܒܝܬܐ) ܬܒܠܝܐ (USAID) . ܐܢܝ ܚܒܝܫ̈ܬܐ ܝܠܝܗܝ ܡܫܬܐܠܢܘܬܐ ܕܬܪܡܝܬܐ ܘܠܐ ܗܦܟܐ ܠܪܥܝܢܐ ܕܘܟܝܠܘܬܐ ܐܡܪܝܟܝܬܐ ܕܫܘܘܚܐ ܬܒܠܝܐ ܐܘ ܫܘܠܛܢܘܬܐ ܕܐܘܚܕܢ̈ܐ ܡܚܝܕ̈ܐ
ܐܫܟܚ
ܫܒܘܩ ܡܢ ܐܢ ܠܐ ܡܨܬ ܐܢ̄ܬ ܡܢ ܚܙܘܩܝܐ ܘܣܥܘܪܘܬܢ، ܠܗܢܐ ܡܨܬ ܕܒܣܡܬ ܒܣܥܘܪܘܬܐ ܚܫܝܒܬܐ ܒܗܢ ܫܘܦܐ ܐܠܟܬܪܘܢܝܐ ܕܒܝܬ ܥܬܝܩ̈ܬܐ، ܟܕ ܡܨܬ ܕܚܙܩܬ ܗܫܐ ܕܠܐ ܡܥܒܪ ܬܚܘܡ̈ܐ ، ܕܒܣܡܬ ܒܚܝܪܬܐ ܕܩܢܝ̈ܬܗ ܘܚܝܪܬܐ ܥܠ ܟܠ ܐܣܛܘܟܼܣ̈ܐ ܐܢܝ ܕܡܦܪܐ ܒܝܬ ܥܬܝܩ̈ܬܢ ܚܕ ܦܘܪܣܐ ܕܚܙܝܬܝܗܝ ܘܝܕܥܬܝܗܝ ܓܘ ܡܢܘ̈ܬܐ ܡܫܚܠܦ̈ܐ ܕܒܝܬ ܥܬܝܩ̈ܬܐ: (ܙܪ̈ܘܥܬܢܝܐ، ܒܝܬܝ̈ܐ، ܡܪ̈ܕܘܬܢܝܐ، ܡܘܣܝܩܝ̈ܐ ܘܬܫܥܝܬܢܝ̈ܐ ܘܥܡ ܡܢܬܐ ܕܠܒܘܫ̈ܐ ܥܡܡܝ̈ܐ).
