1924-2009
ܝܼܠܝܼܕܵܐ ܒܟܪܟܘܼܟ، ܪܓܼܓܼܠܹܗ ܠܡܘܿܣܝܼܩܝܼ ܘܗܿܘ ܙܥܘܿܪܵܐ، ܘܝܼܠܦܠܹܗ ܡܼܢ ܐܲܒܹܗ، ܘܥܒܼܪܠܹܗ ܒܟܘܼܠܵܢܝܼܬܼܵܐ ܕܙܕܩܹ̈ܐ ܘܢܦܩܠܹܗ ܡܸܢܗܿ ܒܫܵܢ̄ܬܵܐ 1948، ܥܲܡ ܗܿܝ ܐܲܡܝܢܘܼܬܼܗ ܒܩܪܝܬܼܵܐ ܓܘܿ ܒܹܝܬܼ ܕܪܵܫܵܐ ܕܐܲܡܢܹ̈ܐ ܫܲܦܝܼܪܹܐ. ܚܙܩܠܹܗ ܠܦܵܪܝܼܣ ܠܩܪܲܝܬܵܐ ܕܡܘܿܣܝܼܩܝܼ ܒܐܘܼܚܵܠ ܝܘܼܠܦܵܢܲܝܬܵܐ ܐܩܕܝܼܡܲܝܬܵܐ، ܘܬܵܡܵܐ ܝܼܠܸܦܠܹܗ ܢܩܲܫܬܵܐ ܥܲܠ (ܦ̮ܐܝܘܿܠܵܐ). ܘܒܵܬܲܪ ܕܥܲܪܬܹܗ ܠܒܲܓܕܲܕ ܒܫܢ̄ܬܵܐ 1953 ܫܘܼܬܐܸܣܠܹܗ “ܝܲܗܠܵܐ ܪܒܼܝܼܥܵܝܵܐ ܕܝܲܬܪܹܐ” ܚܙܩܠܹܗ ܠܡܘܿܣܟܘܿ ܠܩܪܝܬܼܐ ܒܡܢܵܬܼܵܐ ܕܣܵܝܘܼܡܘܼܬܼܵܐ ܡܘܿܣܝܼܩܲܝܬܵܐ، ܘܒܵܬܲܪ ܗܵܕܲܟܼ ܚܙܲܩܬܹܗ ܠܐܡܪܝܟܵܐ. ܗܘܹܐܠܹܗ ܡܲܠܦܵܢܵܐ ܓܘܿ ܒܹܝܬܼ ܕܪܵܫܵܐ ܕܐܲܡܢܹ̈ܐ ܫܲܦܝܼܪܹܐ ܘܓܘܿ ܠܩܕܝܼܡܲܝܬܵܐ ܕܐܲܡܢܹ̈ܐ ܫܲܦܝܼܪܹܐ ܥܲܡ ܗܿܘ ܦܘܼܠܚܵܢܹܗ ܒܫܘܼܬܐܵܣܵܐ ܓܵܘܵܢܵܝܵܐ ܕܦܪܣܩܵܠܵܐ ܘܦܪܣܚܙܘܵܐ. ܘܫܘܼܬܦܠܹܐ ܒܫܲܬܼܐܲܣܬܵܠ ܕܒܹܝܬ ܐܪܟܹܐ ܡܘܿܣܝܼܩܵܝܵܐ ܩܲܕ̄ܡܵܝܵܐ ܕܝܼܠܵܢܵܝܵܐ ܒܚܲܩܠܵܐ ܫܛܵܚܵܐ. ܦܝܼܫܠܹܗ ܡܫܘܼܡܗܵܐ ܒܝܲܕ ܫܲܪܝܵܢܹܐ ܘܝܵܕܘܿܥܹܐ ܡܘܿܣܝܼܩܹܪܹܐ ܒܟܘܼܢܵܝܵܐ “ܒܵܟܼܘܿܪܵܐ ܕܣܝܵܡܘܼܬܼ ܡܘܿܣܝܼܩܝܼ” ܒܥܝܼܪܩ، ܐܝܼܬܗ̄ܘܵܐܠܹܗ ܐܸܣܘܼܪܹܐ ܘܚܒܼܩܘܼܬܵܐ ܥܲܡ ܡܸܢܝܵܢܵܐ ܣܲܓܝܼܐܵܐ ܡܸܢ ܡܘܿܣܝܼܩܵܪܹܐ ܡܫܲܡܗܹ̈ܐ ܘܥܲܡ ܣܵܝܘܿܡܹ̈ܐ ܡܘܿܣܝܼܩܵܝܹ̈ܐ ܒܬܹܒܼܝܠ، ܐܸܠܵܐ ܠܵܐ ܩܢܹܐܠܹܗ ܗܿܘ ܫܘܿܦܵܐ ܘܐܝܼܩܵܪܵܐ ܪܲܒܵܐ ܒܐܲܬܪܹܗ ܥܝܼܪܩ، ܘܒܗܸܦܟܵܐ ܦܝܼܫܠܹܗ ܩܘܼܒܠܵܐ ܕܲܪܩܘܼܒܼܠܵܝܘܼܬܼܵܐ ܡܼܢ ܫܘܼܠܛܵܢܵܐ ܕܸܟܬܵܬܘܿܪܵܝܵܐ، ܣܲܒܲܒ ܕܝܼܗ̄ܘܵܐ ܣܝܼܡܵܐ ܕܲܟܼܢܵܐ ܠܣܘܿܓܼܝܼܬܼܵܐ “ܕܐܲܬܪܝܼ” ܒܵܬܲܪ 14 ܬܡܘܙ 1958. ܩܢܹܐܠܹܗ ܢܝܼܫܲܢܩܹ̈ܐ ܘܩܪܛܝܣܹܐ ܘܕܲܫܢܹ̈ܐ ܣܲܓܝܼܐܹܐ ܒܡܘܿܣܝܼܩܝܼ ܬܐܘܿܪܝܼܡܵܝܵܐ ܘܣܘܼܥܪܵܢܵܝܵܐ. ܦܠܸܚܠܹܗ ܐܲܝܟܼ ܡܲܠܦܵܢܵܐ ܒܡܵܐܢܵܐ ܕܦ̮ܐܝܘܿܠܵܐ “ܟܡܢܛܐ) ܓܘܿ ܡܸܢܝܵܢܵܐ ܡܼܢ ܒܹܝܬܼ ܨܘܒܹ̈ܐ، ܡܸܢܲܝܗ ܓܘܿ ܒܹܝܬ ܨܘܒܹ̈ܐ ܕܝܲܪܡܘܼܟ ـ ܝܘܼܪܕܢܲܢ، ܩܢܹܐܠܹܗ ܫܡܵܐ ܡܝܲܩܪܵܐ ܫܝܘܼܪܦ ܘܐܡܝܪܟܵܐ ܒܵܬܲܪ ܣܝܲܡܬܹܗ ܦܣܝܼܩܵܬܼܵܐ ܘܡܢܘܬܼܵܐ ܡܘܿܣܝܼܩܝܵܬܼܵܐ ܘܣܡܦ̮ܘܿܢܝܵܬܸܵܐ ܚܠܝܵܬܼܵܐ.
