1910-1995
ܝܠܹܗ ܚܲܕ ܡܢ ܡܘܼܣܝܼܩܵܪܹܐ ܡܫܲܡܗܹܐ ܕܥܝܼܪܵܩ ، ܝܼܠܝܼܕܵܐ ܒܡܘܿܨܠ ، ܩܘܼܒܠܵܐܠܹܗ ܡܥܲܒܕܵܢܘܼܬܵܐ ܡܢ ܩܵܠܵܐ ܕܐܲܒܹܗ ܕܩܵܪܹܐܗ̄ܘܵܐ ܣܘܼܓܝܵܬܼܵܐ ܘܥܘܢܝܵܬܼܵܐ ܒܥܹܕܬܵܬܐ ̣ ܝܠܸܦܠܹܗ ܢܩܵܫܵܐ ܥܲܠ ܡܵܐܢܵܐ ܕ (ܬܪܵܐ ܡܦܹܝܬ) ܒܡܲܕܪܲܫܬܵܐ ܕܫܡܥܘܿܢ ܟܹܐܦܵܐ ܒܡܘܨܠ ܒܫܵܢ̄ܬܵܐ 1925 ܥܒܼܪܠܹܗ ܓܘܿ ܒܹܝܬ ܕܪܵܫܵܐ ܕܡܲܠܦܵܢܹ̈ܐ ܫܲܪܘܵܝܵܐ ܕܒܓܼܕܵܕ ܘܩܪܹܐܠܹܗ ܒܕܪܫܐ ܕܣܘܿܓܼܝܼܬܼܵܐ ̣ ܘܒܫܲܢ̄ܬܵܐ 1928 ܦܝܼܫܠܹܗ ܣܝܼܡܵܐ ܡܲܠܦܵܢܵܐ ܒܡܲܕܪܲܫܬܵܐ ܕܒܲܓܼܕܵܕ ، ܒܵܬܲܪ ܗܵܕܲܟ ܚܵܝܘܿܪܵܐ ܓܵܘܵܢܵܝܵܐ ܠܚܘܼܦܵܛܹ̈ܐ ܕܡܕܪܲܫܝܵܬܵܐ ، ܘܦܠܸܚܠܹܗ ܒܣܝܲܡܬܵܐ ܕܢܸܥܡܵܬܵܐ ܠܣܘܼܓܼܝܵܬܵܐ ، ܘܒܫܵܢ̄ܬܵܐ 1936 ܥܒܼܪܠܹܗ ܠܒܹܝܬ ܕܪܵܫܵܐ ܕܐܲܡܢܹ̈ܐ ܫܲܦܝܼܪܹܐ ، ܘܩܪܹܐܠܹܗ ܥܲܠ ܡܵܐܢܵܐ ܕ (ܦܝܵܐܢܘܿ) ܘܣܝܵܡܹܗ ܡܘܿܣܝܼܩܵܝܵܐ ܩܵܕ̄ܡܵܝܵܐ ܝܼܗ̄ܘܵܐ ܠܙܡܵܪܵܐ ܩܘܼܪܕܵܝܵܐ ̣ ܥܲܠܝܼ ܡܪܕܵܐܢ ̣ ܒܫܵܢ̄ܬܵܐ 1949 ܘܒܫܵܢ̄ܬܵܐ 1958 ܦܝܼܫܠܹܗ ܡܲܠܦܵܢܵܐ ܓܘܿ ܒܹܝܬ ܕܪܵܫܵܐ ܕܐܲܡܹ̈ܐ ܫܦܝܼܪܹܐ ، ܘ ܒܵܬܲܪ ܗܲܕܲܟܼ ܫܘܼܢܹܐܠܹܗ ܠܘܲܙܝܪܘܼܬ ܬܲܪܒܝܬܵܐ ܘܒܫܵܢ̄ܬܵܐ 1964 ، ܫܘܬܐܿܣܠܹܗ ܒܹܝܬ ܕܪܲܫܵܐ ܡܘܿܣܝܼܩܵܝܵܐ ܠܛܠܵܝܹ̈ܐ ، ܘܒܫܢ̄ܬܵܐ 1969 ܩܢܹܐܠܹܗ ܫܠܝܼܘܬܼܵܐ ܡܢ ܦܘܼܠܚܵܢܵܐ ، ܐܸܠܵܐ ܗܘܹܐܠܹܗ ܐܲܡܝܼܢܵܐ ܒܦܘܼܠܚܵܢܹܗ ܡܘܿܣܝܼܩܵܝܵܐ ، ܗܿܝ ܕܦܝܼܫܠܹܗ ܚܵܝܘܿܪܵܐ ܥܲܠ ܝܲܗܠܵܐ ܡܘܿܣܝܼܩܵܝܹ̈ܐ ܕܛܠܵܝܹ̈ܐ ܓܘܿ ܦܪܣܩܵܠܵܐ ، ܘܐܵܦ ܡܲܠܦܵܢܵܐ ܒܩܲܢܛܪܘܼܢ ܕܡܘܠܦܬܐ ܓܘܿ ܦܪܲܣܩܵܠܵܐ ̣ ܘܢܦܩܠܲܝܗ ܡܢ ܚܘܼܬ ܐܝܼܕܗ ܥܣܪܵܝܹܐ ܕܦܲܪܨܘܿܦܵܐ ܡܘܿܣܝܼܩܵܝܹ̈ܐ ܥܝܼܪܵܩܵܝܹܐ ܣܹܝܡܐܠܹܗ ܩܝܼܢܵܬܵܐ ܠܡܸܢܝܵܢܵܐ ܣܲܓܝܼܐܹ̈ܐ ܠܙܡܵܪܐ ܘܙܵܡܪܝܵܬܼܵܐ ܥܝܼܪܩܵܝܹܐ ܘܡܼܢ ܣܝܵܡܹܗ ̣ ܣܘܿܓܼܝܵܬܵܐ ܐܬܼܪܢܝܵܬܼܵܐ ܚܲܕ̄ܬܵܐ – ܒܲܓܼܕܲܕ 1941 ܙܡܝܼܪܬܵܐ ܕܩܘܼܛܢܵܝܘܼܬܼܵܐ ܥܝܼܪܵܩܲܝܬܵܐ ܚܲܕ̄ܬܵܐ – ܒܲܓܼܕܲܕ 1959 ܣܘܼܓܝܵܬܵܐ ܐܘܡܬܢܝܵܬܼܵܐ ܚܲܕ̄ܬܵܐ – ܐܠܩܵܐܗܝܪܵܐ 1948- ܘܗܵܕܟܼ ܢܘܼܦܩܠܹܗ ܒܹܝܬ ܡܘܿܣܝܼܩܝܼ ܠܫܒܼܪܹܐ ܒܲܓܼܕܲܕ 1962 ̣
