1879-1932
ܦܵܩܘܿܕܵܐ ܓܲܝܣܵܝܵܐ ܝܠܝܼܕܠܹܗ ܒܡܵܬܵܐ ܕܒܵܙ ܒܬܘܼܪܟܝܵܐ. ܩܪܹܐܠܹܗ ܒܡܕܪܫܝܵܬܵܐ ܕܡܫܚܕܵܢܹ̈ܐ ܦܢܝܼܬܵܐ ܕܒܵܙ ܘܐܘܪܡܝܼ (ܓܪܒܝܵܐ ܕܐܝܪܢ). ܦܫܠܹܗ ܡܠܦܵܢܵܐ ܒܚܕܵܐ ܡܢ ܡܬܘ̈ܬ ܦܠܚܠܹܗ ܒܬܓܵܪܘܼܬܵܐ ܕܦܦܪ̈ܣܝܵܬܵܐ ܒܝܢ ܐܝܼܪܢ ܘܐܡܝܪܟܵܐ ܒ1913، ܒܫܢܬܵܐ 1914 ܦܝܼܫܠܹܗ ܩܢܨܠܐ ܕܬܘܼܪܟܝܼܵܐ ܒܐܘܪܡܝܼ، ܘܒܵܬܪ ܫܘܼܪܵܝܵܐ ܕܩܪܒܼܵܐ ܒܝܢ ܪܘܣܝܼܵܐ ܘܬܘܪܟܝܼܵܐ ܥܒܼܪܹܗ ܥܲܡ ܚܲܝܠܵܘܵܬܵܐ ܪܘܼܣܵܝܹ̈ܐ ܥܲܡ ܐܵܬܘܿܪܵܝܹܐ ܒܐܝܼܪܵܢ. ܘܫܩܠܹܗ ܦܵܩܘܿܕܘܼܬܵܐ ܕܓܲܝܣܵܐ ܐܵܬܘܿܪܵܝܵܐ ܒܦܢܝ̈ܬܐ ܕܗܟܵܪܹܗ ܘܐܘܪܡܝܼ ܘܡܢܕܵܢ ܒܡܬܚܵܐ ܕܩܪܵܒܼܵܐ ܬܒܼܝܼܠܵܝܵܐ ܩܕܡܵܝܵܐ، ܫܟܢܹܗ ܒܥܝܼܪܵܩ ܫܢ̄ܬܵܐ 1918، ܫܩܠܹܗ ܡܢܝܵܢܵܐ ܡܢ ܕܪ̈ܓܼܹܐ ܘܩܢܹܐܠܹܗ ܪܵܒܵܐ ܡܢ ܢܝܼܫܵܢܩܹ̈ܐ. ܫܢ̄ܬܵܐ 1920 ܦܝܫܠܹܗ ܡܘܪܚܩܵܐ ܡܢ ܥܝܼܪܵܩ ܠܦ̮ܪܢܣܵܐ. ܘܒܫܢ̄ܬܵܐ 1923 ܫܘܬܦܠܹܗ ܓܵܘ ܠܘܼܡܵܕܵܐ ܕܫܠܵܡܵܐ ܒܠܘܿܙܐܢ – ܦ̮ܪܢܣܵܐ، ܟܹܐ ܝܕܥ ܗܘܵܐ ܠܫܵܢܵܐ ܣܘܼܪܝܵܝܵܐ ܘܪܵܒܵܐ ܡܼܢ ܠܸܫܵܢܹ̈ܐ ܐ̄ܚܪܢܹܐ. ܟܬܒܼܠܹܗ ܬܫܪܵܪ̈ܐ ܓܝܣܵܝܹ̈ܐ ܦܝܼܫܠܗ̄ܘܿܢ ܦܪܝܼܣܹ̈ܐ ܓܵܘ ܦܪ̈ܝܼܣܵܬܵܐ ܡܫܚܠܦܹ̈ܐ، ܣܝܼܡܠܹܗ ܠܟܣܝܼܩܘܿܢ ܒܪܵܒܵܐ ܠܸܫܵܢܹ̈ܐ ܦܝܼܫܠܹܗ ܛܒܼܝܼܥܵܐ ܒܒܓܼܕܕ ܫܢ̄ܬܵܐ 1920، ܢܝܼܚܠܹܗ ܒܛܘܿܠܘܿܢ ܒܦ̮ܪܢܣܵܐ. ܦܝܼܫܠܹܗ ܟܘܢܝܼܵܐ ܒ(ܣܢܚܝܪܒܼ ܕܕܪܵܐ ܕܥܣܪܝܼܢ).
