ܚܘܪ̈ܙܐ ܕܫܒܪ̈ܐ

ܡܢ ܥܕܢܐ ܕܦܝܫܠܗܿ ܚܙܝܬܐ ܡܣܬܟܠܢܘܬܐ ܕܬܪܒܝܬܐ ܒܝܬ ܥܬܩܝܬܐ ܒܫܢ̄ܬܐ ܕ 1979 ܡ ܐܝܡܢ ܕܥܒܕܠܗ ܡܘܬܒܐ ܬܒܠܝܐ ܕܒܬܝ̈ ܥܬܝܩ̈ܬܐ (ICOM) The International Council of Museums ܠܘܡܕܐ ܩܕܡܝܐ ܠܬܚܡܬܗ، ܦܪܣܠܗܿ ܬܪܒܝܬ ܐ ܒܝܬ ܥܬܩܝܬܐ ܒܪܒܐ ܡܢ ܒܬܝ̈ ܥܬܝܩ̈ܬܐ ܕܥܠܡܐ ܘܟܡ ܢܩܦܝܠܗܿ ܡܢܘ̈ܬܐ ܕܬܪܒܝܬܐ ܥܬܩܝܬܐ ܘܦܝܫܠܗܘܢ ܣܝܡ̈ܐ ܐܠܝܗܝ ܚܘܪ̈ܙܐ ܡܠܦܢܘܬܢܝ̈ܐ ܘܬܪ̈ܒܝܬܢܝܐ. ܘܗܕܟ ܠܐ ܦܝܫ ܟܠܐ ܓܪܐ ܕܒܬܝ̈ ܥܬܝܩ̈ܬܐ ܥܠ ܗܘ ܟܠܣܝܟܝܐ ܐܘ ܥܝܕܝܐ ܒܢܛܪܬܐ ܘܓܠܚܬܐ ܘܚܘܕܬܐ ܕܥܬܩ̈ܐ ܘܬܪܨܬܝܗܝ، ܐܠܐ ܒܬܝ݁̈ ܥܬܝܩ̈ܬܐ ܦܝܫܠܗܘܢ ܪ̈ܝܡܐ ܕܦܝܫܝ ܫܘܬܐܣ̈ܐ ܡܠܦܢܘܬܢܝ̈ܐ ܝܨܦܝ ܒܛܘܝܒܐ ܘܡܦܠܚܬܐ ܕܚܘܪ̈ܙܐ ܘܟܫܝܪ̈ܘܬܐ ܡܠܦܢܘܬܢܝ̈ܐ ܘܡܪ̈ܕܘܬܢܝܐ ܡܫܚܠܦ̈ܐ ܢܝܫܝܗܝ ܡܡܛܝܬܐ ܕܝܕܥܬܐ ܡܪܐ ܕܐܣܘܪܐ ܒܡܠܘܐ̈ܐ ܕܒܝܬ ܥܬܝܩ̈ܬܐ ܒܫܒܝܠܐ ܒܣܝܡܐ ܘܓܪܫܢܐ ܕܦܝܫ ܒܝܬ ܥܬܝܩ̈ܬܐ ܚܕ ܫܘܦܐ ܕܝܕܥܬܐ ܘܝܘܠܦܢܐ ܡܥܕܪ ܒܢܝ̈ ܟܢܘܫܝܐ ܥܠ ܦܪܡܝܬܐ ܕܥܬܩ̈ܐ ܘܝܪܬܘܬܐ ܕܐܡܘܬܝ̈ܗܝ.

ܠܗܢܐ ܫܩܠܚ ܡܫܬܐܠܢܘܬܐ ܓܘ ܒܝܬ ܥܬܝܩ̈ܬܐ ܕܝܪܬܘܬܐ ܣܘܪܝܝܬܐ ܣܝܣܘܬܐ ܕܚܘܕܬܐ ܕܒܝܬ ܥܬܝܩ̈ܬܐ ܘܛܘܘܪܗ ܕܦܝܫ ܚܕ ܡܚܕܘܪܐ ܬܪܒܝܬܢܝܐ ܛܒܐ ܠܦܪܣܬܐ ܕܥܝܪܘܬܐ ܥܬܩܝܬܐ ܘܡܝܕܥܬܐ ܒܐܢܢܩܝܘܬܐ ܕܝܪܬܘܬܐ ܡܪܕܘܬܢܝܬܐ ܘܡܕܝܢܝܬܐ ܢܗܪܝܢܝܬܐ ܘܢܛܪܬܗܿ ، ܓܘ ܡܙܝܕܬܐ ܕܡܪܕܘܬܐ ܕܣܥܘܪ̈ܗܿ ܡܢ ܝܠܘܦ̈ܐ ܓܘ ܓܝܓܼܠ̈ܐ ܡܫܚܠܦ̈ܐ، ܘܢܘܣܝܐ ܕܩܢܝܬܝܗܝ ܒܚܝܪ̈ܘܬܐ ܓܘ ܚܕ ܡܚܕܘܪܐ ܚܕܬܐ، ܥܡ ܡܦܪܝܬܐ ܕܚܕ ܡܚܕܘܪܐ ܦܪܝܫܐ ܠܡܠܦܢ̈ܐ ܠܡܠܦܢܘܬܐ ܕܡܢܝܢܐ ܪܒܐ ܡܢ ܡܠܘܐ̈ܐ.